第一次嚟「梨泰院」 ，因為同小朋友一齊，所以都點咗全部唔辣嘅食物，包括：韓式便當、雜菜炒粉絲、炸魷魚🦑配紫菜卷，仲有幾杯特飲。
先來三碟前菜，泡菜幾好味，唔會偏酸，啱我口味。
韓式便當幾精緻，有柚子炸雞、紫菜包飯、糖餅，咸甜味都齊哂，口感好豐富。
雜菜炒粉絲 — 炒得幾乾身，好入味，咸咸地幾惹味，囡囡 一個人食咗大半碟。
炸魷魚🦑配紫菜卷 — 炸魷魚炸得香脆，魷魚彈牙。紫菜卷 內裏包著類似米飯嘅嘢，帶少少煙韌口感，幾得意。
囡囡鍾意桃味，所以點咗白桃草莓梳打，甜甜酸酸，幾好飲。我就點咗白桃藍柑荔枝梳打，入口比較重荔枝味，感覺清新，夏天飲啱哂！
之前有朋友介紹過呢度嘅生米酒幾好飲，所以點咗杯「白桃忌廉生米酒」試吓，開頭都怕酒味太濃，估唔到幾易入口，仲有香甜嘅桃味，入口滑溜，感覺幾creamy，不錯。
三杯特飲嘅賣相都好靚，打咭一流。
