餐廳充滿中式風情，牆上都有很多壁畫，意景不錯。最角落位置有大大塊落地玻璃，如果下午飲茶的話，景色應該有分加。
南翔小籠包
這裡的小籠包大大件，皮薄多汁，新鮮豬肉加上湯，咬開爆多汁，記得趁熱食！
賽螃蟹
蛋白炒得很香，加一點醋，拌飯一流。蛋白嘅嫩滑程度如能提升一點會更美味。
海蜇頭
帶有香濃麻油味，加上青瓜，爽脆又有咬口。
紹興醉雞
賣相特別，好似太空館的半球雞，雞肉滑嫩，酒香但不會酒太濃。
龍鬚鮮魚絲
呢個係店長大力推介菜式，開頭我以為係魷魚絲，原來係切得如龍鬚般幼細的魚肉，好考刀功，走油後，魚肉嫩滑，鮮味保存得很好。
鮮松茸火腿豬腱燉螺頭
燉湯鮮甜又健康，螺頭經過三小時熬製，味道更香濃。
