唐閣

位於朗廷酒店嘅唐閣挾著米芝蓮三星嘅光環加上會員優惠成為咗我團年飯嘅不二之選🥢首先上嘅係餐前小菜「木耳伴青瓜同炸蝦」炸蝦非常新鮮蝦肉彈牙而且剛剛炸起就呈上比客人連同剛炸起嘅熱度簡直無得彈🥢「釀焗鮮蟹蓋 Baked stuffed crab shell with crab meat and onion」令客人一試傾心嘅餸菜蟹蓋好多餐廳都會有但煮得咁出色嘅唐閣都算係不二之選蟹蓋外層呈迷人金黃色非常香脆可口中間蟹肉成梳鮮香嫩甜迷人之極根本唔駛點任何醬汁已非常滿足🥢「金湯海皇官燕盞」湯底唔算太濃但非常足料分別有燕窩、帶子同兩隻爽甜大蝦係海鮮襯托下鮮味十足不過個人就覺得有少少似南瓜湯🥢「上湯焗開邊龍蝦」龍蝦大大隻非常新鮮爽口餐廳仲好貼心咁幫客人起埋肉但個人覺得用上湯焗略嫌太清淡要點埋碟上嘅醬汁食先有番啲味🥢「蔥燒日本和牛粒」一打開蓋即刻飄嚟一陣香味係和牛嘅香味呀可能係中式煮法關係味道會偏濃配上炸蒜同蔥再淋上醬汁可幸未完全蓋過牛嘅鮮味牛肉依然嫩滑無筋三粒和牛份量適中再多就會好膩🥢「原隻鮑魚荷葉飯」鮑魚佔據咗飯嘅一半除咗鮑魚外飯內仲有瑤柱、冬菇等配料份量適中感覺似食緊高級版糯米雞🥢「鮮果配甜點」除咗鮮