Video
Read full review
2022-09-09
153 views
📌 金色不如帰 (H Zentre)📍 尖沙咀中間道15號H Zentre地舖☎️ 27358318★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*呢日去咗 H Zentre 食呢間日本過江龍米芝蓮一星拉麵。門面有一種grand、神秘嘅感覺，近門口有三格闊落大卡位，行入去可見餐廳高樓底，兩幅落地大玻璃，光感十足，感覺開揚。同朋友叫咗兩個貝汁拉麵💫貝汁醬油拉麵💫貝汁鹽味拉麵（各$128），兩款都用上三重湯底（蜆、豚骨、魚介）熬製，有一片腩肉及一片低溫叉燒。舀起一口湯呻下去，口腔充斥住貝類海鮮嘅鮮甜，松露菇味亦十分突出，豚肉腍身，拉麵掛湯，麵質彈牙！兩者分別在於貝汁醬油拉麵配上牛肝菌粉、牛肝菌油及黑松露醬；鹽味湯底則配上白松露油、牛肝菌醬、煙肉碎。個人認為醬油味比鹽味湯底更濃郁醇厚。另外叫咗兩款小食💫鳥皮烏賊揚（$70）：用炸雞皮包住打成滑嘅野生紋甲烏賊，外皮酥脆口感彈牙； 💫唐揚博多華味雞（$88）：華味雞炸粉薄，以唐揚嘅方式鎖住肉汁，蘸上🍯蜜糖芥末醬，味道昇華去另一個層次！🍹白桃焙茶🍑/木村山梨巨峰梳打🍇（各$38）兩杯都好飲：帶茶
📍 尖沙咀中間道15號H Zentre地舖
☎️ 27358318
★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*
呢日去咗 H Zentre 食呢間日本過江龍米芝蓮一星拉麵。門面有一種grand、神秘嘅感覺，近門口有三格闊落大卡位，行入去可見餐廳高樓底，兩幅落地大玻璃，光感十足，感覺開揚。
同朋友叫咗兩個貝汁拉麵💫貝汁醬油拉麵💫貝汁鹽味拉麵（各$128），兩款都用上三重湯底（蜆、豚骨、魚介）熬製，有一片腩肉及一片低溫叉燒。舀起一口湯呻下去，口腔充斥住貝類海鮮嘅鮮甜，松露菇味亦十分突出，豚肉腍身，拉麵掛湯，麵質彈牙！兩者分別在於貝汁醬油拉麵配上牛肝菌粉、牛肝菌油及黑松露醬；鹽味湯底則配上白松露油、牛肝菌醬、煙肉碎。個人認為醬油味比鹽味湯底更濃郁醇厚。
另外叫咗兩款小食💫鳥皮烏賊揚（$70）：用炸雞皮包住打成滑嘅野生紋甲烏賊，外皮酥脆口感彈牙； 💫唐揚博多華味雞（$88）：華味雞炸粉薄，以唐揚嘅方式鎖住肉汁，蘸上🍯蜜糖芥末醬，味道昇華去另一個層次！
🍹白桃焙茶🍑/木村山梨巨峰梳打🍇（各$38）兩杯都好飲：帶茶香嘅白桃，好fresh透心涼；甘甜嘅巨峰提子混合碳酸汽水清爽冰涼又解膩。👍🏻
平時多數食豚骨拉麵，呢日食貝汁拉麵鮮味突出，為味覺帶來新衝擊😋
★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*
Post
