豬潤米線：
$56
個湯好好飲，一邊食一邊飲湯完全覺得唔夠湯!!最重要佢唔咸，飲到底都唔覺得口喝。
米線好彈牙，好滑。
不過份量好似有啲少？我算細食，但都真係唔太夠食⋯⋯
豬潤係招牌菜，碗入面大小共6塊，中薄一片，顏色淡淡幾靚，食落係爽口的，冇苦味，有豬潤香但唔算濃。我自己比較鐘意厚肉粉感香香的豬潤，同桌覺得好正好好食，仲讚到佢可以媲美鵝肝⋯⋯
口水雞：
（食落算中小辣？）我唔算好食得辣都食到，有麻味。
我覺得最好係啲雞好少骨，啖啖肉，雞皮薄冇咩脂肪，不過肉質唔算滑。
半隻雞都幾細，得幾舊就$78⋯⋯
白飯仲要另加$10 好細一碗咋，口感有點硬。
冰室feel但收茶位錢$2位 平過收加一嘅，有主動添茶
以呢個價錢來講唔算好特別，如果鍾意飲湯都可以過嚟試吓。
