一直留意這間台灣過江龍的甜品。佢除左係一間台式飲品店，仲有各類輕食。盒子蛋糕它可說是元祖老店。
今次買左一盒肉鬆小貝。原來小貝並不是大陸首創的糕點，早係好多年前台灣人已經食緊。
呢間舖頭小貝價錢比同類IG shop更平，一件十蚊有找。雖然叫做［小貝］份量可不少。
小貝真身係一個超級濕潤鬆軟的原味蛋糕。塗抹上沙律醬，再碌上大量紫菜肉鬆，造型有如一個貝殼。
蛋糕本體充滿真材實料的蛋香味，大環境下依然用足料做食物係幾難能可貴。我分開三日做早餐，蛋糕仍然保持到質素好軟綿綿。鹹鹹甜甜味道又幾夾。
2
第二樣係夏天必飲的廢水，揀左一杯純茶自我感覺良好。白桃烏龍價錢平，$23本來不會有特別期望，飲落有wow一下的感覺。
烏龍茶好夠濃香，甚至有回甘的後韻，但又不是浸泡很久的澀，鐘意中國茶的人應該都會喜歡佢既茶底。
白桃只是悠悠的存在，不會喧賓奪主，生果配茶的配搭超解暑。
個人偏好濃茶的手搖飲，會再回來試埋其他飲料。
