夜晚準時去到，新舖門口已經企滿人，如果walk-in 應該唔駛旨意食到，我同職員報到後都要等左十分鐘先有位。
入到去要搭枱坐，啲位都幾迫。一坐底個侍應已經問我地食咩飯，因為煮要時間。
我地最後叫左兩煲飯，白鱔排骨飯，臘味滑雞飯，仲要仲粉絲雜菜煲同豉椒炒蜆同一支樽裝可樂。
先黎個炒蜆😍，好好味，啲蜆肉大大粒，粒粒蜆都開晒口煮熟晒，粒粒都好新鮮，又乾淨一粒沙都無，啲汁用黎送飯一流。👍🏻👍🏻
再黎支樽裝可樂，夠冰凍又夠氣。👍🏻
然後到粉絲雜菜煲，熱辣辣又多款式既菜，夠晒味。
最後兩煲煲仔飯足足要等左一個鐘先有，但都係預計之內。
先講白鱔排骨飯，啲豉椒味道幾好，排骨都新鮮彈牙，白鱔今次唔夠新鮮啲肉好林無口感，啲飯一粒粒有咬口，有飯香味又有飯焦，最緊要係全部飯焦都食得到，唔會濃晒痴住晒個煲👍🏻。
最後係個臘味精滑雞飯😍，有臘腸潤腸同臘肉，臘味夠足料又夠香，啲油同雞油落晒啲飯度，粒粒飯都充滿臘味同雞味👍🏻👍🏻👍🏻，衣煲飯真係無得頂，下次要再叫 ! 由於太香太吸引，煲飯一放落枱就比我地食晒，食晒先發覺唔記得影相。
食左咁多次，我都係覺得新舖好味過舊舖好多。
