Read full review
2015-08-02
4041 views
自從食過韓國炸雞之後，每個月總有日突然想去食。之前都係去開同在TST另一間既炸雞店，但朋友話李家開左咁耐都仲係咁多人食不如試下，加上自己之前睇電視節目介紹見到好想食既芝士味炸雞就係李家出品，就決定去試一試。19：30去到已經見到有小人龍，前面排既兩三批人已經等得唔耐煩走左，心諗：都好，等少幾張枱。但真係等左好耐下，都有諗過叫外賣（＊原來呢間外賣炸雞有一罐汽水送架），但朋友話：黎到唔係唔坐下卦………咁唯有等下啦，但點知都係要等到21：00先入到去架…其實都預左要等，但真係估唔到要等足個半鐘……係而家咁既天氣等，真係幾難頂下……朋友既朋友咁岩都係食李家，但係就叫外賣，佢地揸埋車返屋企食緊，我地先岩岩入去坐底。不過，好好彩，唔駛搭枱。因為李家店面不大，枱亦唔多，而且大部分都係大枱，等兩張細枱，所以就要排咁耐隊喇……一坐底店員就送上兩碟前菜同水，個人口味覺得另一間既醃蘿蔔好食d，而d菜兩間都係咁啦＝＿＝一心就係諗住黎食芝士炸雞，，佢有3隻味揀：芝士味／奶油蜜糖味／xx忌廉味，我地揀左奶油蜜糖味。炸雞一上枱已經聞到好香芝士味，係好食既，但係d芝士味好快就俾d辣味蓋過左。李家既雞比較細隻，但係炸得
之前都係去開同在TST另一間既炸雞店，但朋友話李家開左咁耐都仲係咁多人食不如試下，加上自己之前睇電視節目介紹見到好想食既芝士味炸雞就係李家出品，就決定去試一試。
19：30去到已經見到有小人龍，前面排既兩三批人已經等得唔耐煩走左，心諗：都好，等少幾張枱。但真係等左好耐下，都有諗過叫外賣（＊原來呢間外賣炸雞有一罐汽水送架），但朋友話：黎到唔係唔坐下卦………咁唯有等下啦，但點知都係要等到21：00先入到去架…其實都預左要等，但真係估唔到要等足個半鐘……係而家咁既天氣等，真係幾難頂下……
朋友既朋友咁岩都係食李家，但係就叫外賣，佢地揸埋車返屋企食緊，我地先岩岩入去坐底。不過，好好彩，唔駛搭枱。因為李家店面不大，枱亦唔多，而且大部分都係大枱，等兩張細枱，所以就要排咁耐隊喇……
一坐底店員就送上兩碟前菜同水，個人口味覺得另一間既醃蘿蔔好食d，而d菜兩間都係咁啦＝＿＝
一心就係諗住黎食芝士炸雞，，佢有3隻味揀：芝士味／奶油蜜糖味／xx忌廉味，我地揀左奶油蜜糖味。炸雞一上枱已經聞到好香芝士味，係好食既，但係d芝士味好快就俾d辣味蓋過左。李家既雞比較細隻，但係炸得幾較好，裡面都幾juicy。
芝味調咋炸雞
$190
94 views
0 likes
0 comments
炸雞沙律
$180
78 views
0 likes
0 comments
到走個時已經10點半左右都仲有唔少人排隊
Post
