Read full review
2010-08-26
117 views
人生到底有幾多樣野係經過統計後可以做到八百次呢? 相信師傅喺呢一生裡絕對唔多, 所以呢一刻對師傅黎講絕對係一個里程碑! 第八百個食評本來諗住同好友食家"乜都放入窿"去食番餐正野先至寫食評, 無奈大家時間都有少少難約, 加上師傅又有好多食評未寫, 所以唯有唔等好友食家"乜都放入窿"喇!雖然唔等好友食家"乜都放入窿", 但呢個食評其實同佢都有著密切關係, 皆因呢間食店就係今年師傅誕時, 好友食家"乜都放入窿"特意為師傅預備蛋糕的食店! 當日嘅生日蛋糕除左好味之外, 亦真係十分之有心思, 絕對係師傅收過咁多蛋糕之中最愛同最唔捨得切的一個, 不過今日師傅絕對唔係講呢個蛋糕! 收左個咁靚嘅蛋糕後, 師傅當然要 『八』下好友食家"乜都放入窿"喺邊度整呢個蛋糕啦, 好友食家"乜都放入窿"就話左呢間食店比師傅知, 仲叫師傅得閒寫番兩筆; 師傅當然答應啦, 而且一直銘記在心; 期間師傅前前後後都黎過三至四次, 但每次黎到都攪到成手血, 係呀真係成手都係血, 因為摸門釘嘛! 次次去親嘅時間都唔啱, 唔係打烊就係休息, 有幾次都幾洩氣架, 終於昨日一放監見早早地, 即刻飛奔黎呢間食店至得!幸好是次去到食店仲
雖然唔等好友食家"乜都放入窿", 但呢個食評其實同佢都有著密切關係, 皆因呢間食店就係今年師傅誕時, 好友食家"乜都放入窿"特意為師傅預備蛋糕的食店! 當日嘅生日蛋糕除左好味之外, 亦真係十分之有心思, 絕對係師傅收過咁多蛋糕之中最愛同最唔捨得切的一個, 不過今日師傅絕對唔係講呢個蛋糕!
收左個咁靚嘅蛋糕後, 師傅當然要 『八』下好友食家"乜都放入窿"喺邊度整呢個蛋糕啦, 好友食家"乜都放入窿"就話左呢間食店比師傅知, 仲叫師傅得閒寫番兩筆; 師傅當然答應啦, 而且一直銘記在心; 期間師傅前前後後都黎過三至四次, 但每次黎到都攪到成手血, 係呀真係成手都係血, 因為摸門釘嘛! 次次去親嘅時間都唔啱, 唔係打烊就係休息, 有幾次都幾洩氣架, 終於昨日一放監見早早地, 即刻飛奔黎呢間食店至得!
幸好是次去到食店仲未打烊, 首次行入呢間食店嘅感覺係好舒服, 雖然店內好細但就有一種莫名其妙嘅溫暖同舒服, 師傅覺得應該係有耶穌嘅保守吧! 於是師傅左望右望, 見到有曲奇又有蛋糕, 心諗究竟買邊樣好呢? 於是師傅就問下店內位靚女啦, 到底d杯子蛋糕可唔可以放多幾日架? 而靚女話放入雪櫃係可以架, 就係咁樣師傅一口氣左買左十件杯子蛋糕, 每款味道要左兩件; 再問下曲奇餅又有邊款好味, 唔知位靚女係咪見師傅靚仔, 於是就比師傅試食, 基本上師傅係差不多款款都試勻, 最後決定揀兩款回家慢慢嘆!
師傅買左五款唔同味嘅杯子蛋糕, 分別有綠茶味, 朱古力味, 香橙味, 檸檬味同埋仲有一隻唔記得咩味了, 仲有兩包曲奇分別係紅莓牛油曲奇同埋淨牛油曲奇! 事關師傅已經試食過曲奇, 所以心裡已經有個底, 所以返到屋企第一時間就梗係試下d杯子蛋糕先啦! 第一件就試綠茶味, 杯子蛋糕入口十分鬆軟, 一d都唔實, 所以都幾新鮮, 而綠茶味就真係好綠茶下, 所以覺得份外芳香, 唔錯; 再試香橙味, 香橙味其實都幾橙味下, 蛋糕裡面仲有少少橙味嘅果醬咁, 味道師傅覺得偏甜少少; 朱古力味就真係有好濃嘅朱古力, 又香又甜, 真係好似食緊朱古力咁, 呢個甜得黎師傅又接受到喎!
檸檬味同另一種唔記得嘅反而令師傅更為欣賞, 最主要係兩隻味道不太濃同太甜, 仲帶少少酸酸地, 加上檸檬味入口特別清新, 整體合晒師傅胃口; 至於唔記得嗰隻味師傅呢一下唔多講, 等遲d試多之先講! 一口氣食晒五件杯子蛋糕後, 師傅即刻同兩包曲奇開包, 先講紅莓牛油曲奇, 曲奇本身十分鬆化, 唔需要用好大力去咬, 而紅莓帶少少酸味, 牛油甚香但不會過份同過甜, 整體洽到好處, 真係食到停唔到口; 而淨牛油曲奇就真係純牛油製成, 入口牛油味勁重, 十分濃郁,味道不會太甜, 但食得多就會膩, 不過鍾意食牛油曲奇嘅你就唔好錯過喇!
總括黎講蛋糕同曲奇嘅水準十分出色, 真係值得推介, 而價錢相宜, 十蚊三隻杯子蛋糕, 三十至四十蚊一包曲奇, 有咁嘅水準絕對抵食; 而店內靚女親切友善, 咁短時間嘅交談同購物令師傅十分舒服! 值得一提係每包曲奇的袋上都有一張書簽, 張張不同, 籍此傳揚福音, 咁樣嘅做法都諗到, 願主祝福呢間食店! 呢間食店作為師傅第八百個食評實在係師傅嘅福份, 所以除左感謝主外, 笑臉係絕對要比, 而有機會師傅一定會再黎!
Post
