出名的擔擔麵就必叫啦(雖然我對有花生磨成的湯式一般), 之前有做過功課, 見有人點過饅頭回鍋肉話好食, 就點埋呢個同小籠包,兩個人份量應該夠吧。
擔擔麵 – 好快就送上, 師傅煮的手法, 最尾放入碗的方法好好, 一排麵齊齊整整就送上, 美觀而吸晴。湯底竟然比我之前食過的擔擔麵稀一點, 以為偷工減料, 但花生油香味十足, 雞湯做底有清清的幽香, 陽春麵淋而不糊, 配合花生碎及蔥蓉, 對於稠稠麵反感的我, 都有少少改觀。
饅頭炒回鍋肉- 上菜時已聞到又有鑊氣又有咸香, 竟然饅頭用於咸食又會如何? 試一件---嘩嘩嘩, 正呀~饅頭預先切件炸過, 令本來淋身的饅頭不但變廷身、鬆脆又易夾, 更不會因炒過而索淋了醬汁。饅頭的甜香加與回鍋肉炒過的肉汁, 真係非常回味, 回鍋肉都變配角。
用半肥瘦豬肉切片, 加椰菜及豆干炒, 有微辣, 以咸香為主, 適合不嚐辣但又想食回鍋肉的人。
小籠包- 一籠8粒, 分量都算多, 每粒都皮薄多汁, 小籠包是有另一個廚房, 由師傅專門做, 每日新鮮做, 瘦肉及肥肉的比例恰到好處, 如果有多個胃, 都想多叫一籠食。
