一杯鐵板燒居酒屋 (Closed)

見網上食評幾好，裝修都好日本居酒屋feel，一行三人就試一試，點知……出事！由開始員工遊魂又唔覆order落錯野開始，order咗的飲品賣完又無話返畀我地聽 要追order先知道，之後要問先有杯水飲下。三個人叫咗三個鐵板餐+一個燒雞泡魚乾，跟餐沙律、前菜、燒雞泡魚乾都幾好味，主菜就非常健康一d調味都無落 完全無味道，炒飯一d味都無，跟餐清酒煮蜆～蜆算新鮮 但清酒有陣鞋油味。最、最、最厲害係跟餐甜品，明明我地三個人，水吧姐姐無問過我地將三個人的甜品放一個碗內 只係畀二支叉，我地問侍應點解嘅～然後佢地話會換過畀我地，之後水吧姐姐親自上場黑面地放低三碗甜品，而最勁係上面的紅豆蓉是酸㗎😱