麻辣派對 (金百利廣場) (Closed)

朋友最愛食辣，今日黎銅鑼灣行花市前就黎左呢間出名食辣ge餐廳醫肚。估唔到兩點黎食餐廳都仲好多客人。一枱枱都係一碟一碟紅色ge餸菜。XD 我地叫左半隻雞（小辣），一碟炒五素，一碗豆花麵，加一碗白飯。等食期間就欣賞下個景。難得中餐館裝修得咁西化，仲有好多靚花花擺設呢，感覺好浪漫～其實menu好多選擇，我地都揀左陣。由於我唔係好食得辣，最後剩係叫左雞試佢個小辣～麻辣雞窩最先到，半隻雞都咁大碟！超足料！仲有火爐仔燒住等我地唔會食食下凍左。超貼心！味道方面好惹味，對我黎講好辣，但朋友超中意佢食哂成碟咁濟。XD豆花小麵，雖然走左辣，但味道都好夠，麵條幼身但唔會好淋，連埋豆花酸菜肉碎花生一齊食，好夾～叫返個菜balance下～呢個都走左辣，但佢有蒜頭一齊炒所以都好夠味。青瓜同蓮藕爽脆，仲有雲耳同秋葵tim～服務都做得唔錯，見你成碟雞骨佢會幫你換碟。