Video
Read full review
2014-04-20
2579 views
去完對面的LA SAISON BY JACQUES，落到樓下過到對面馬路，驚覺係名古屋食過一食難忘的名古屋世界の山ちゃん雞翼，已經悄悄來到香港。餐廳啱啱係15/4 開幕。位置係好繁忙金馬倫道的地庫，要細心留意先會見到好細個門口的廣告。今日行街行到好攰，諗住早D去坐下食野，所以唔夠6點已到達餐廳，門口有一日本人迎接，但以5點幾和新開的餐廳來講，餐廳已有一半人的入座，呢一點令我有一點驚訝。我諗餐廳只開夜晚應該有一D 關係。營業時由5:30PM先開始，所以大家要留意啦！食店環境尚算寬倘，枱和枱之間都有一定距離，環境算唔錯，眼見有一D2 位客人坐四人枱都唔會要你搭枱，私隠度算高，就算傾計都唔怕嘈到隔離。來到呢度一定要試佢招牌"夢幻雞翼"。雞翼的味道同賣相都同日本差唔多，都算保留到特色。炸的好香，一見的食指大動，除左色香味之外，價錢都唔算貴，一碟有5隻＄48約＄10隻，可能有人會覺得唔低，但以呢個質素，我又覺得係尖沙咀來講都差唔多，而且日本都係呢D 價錢。一個人都可以食一碟，我見好多人都再ENCORE。味道：9/10另外，我地叫左味噌烏冬鍋，價錢稍貴,係餐牌都寫係名古屋名物，所以我對佢寄望可能過
今日行街行到好攰，諗住早D去坐下食野，所以唔夠6點已到達餐廳，門口有一日本人迎接，但以5點幾和新開的餐廳來講，餐廳已有一半人的入座，呢一點令我有一點驚訝。
我諗餐廳只開夜晚應該有一D 關係。營業時由5:30PM先開始，所以大家要留意啦！
食店環境尚算寬倘，枱和枱之間都有一定距離，環境算唔錯，眼見有一D2 位客人坐四人枱都唔會要你搭枱，私隠度算高，就算傾計都唔怕嘈到隔離。
來到呢度一定要試佢招牌"夢幻雞翼"。雞翼的味道同賣相都同日本差唔多，都算保留到特色。炸的好香，一見的食指大動，除左色香味之外，價錢都唔算貴，一碟有5隻＄48約＄10隻，可能有人會覺得唔低，但以呢個質素，我又覺得係尖沙咀來講都差唔多，而且日本都係呢D 價錢。一個人都可以食一碟，我見好多人都再ENCORE。
味道：9/10
另外，我地叫左味噌烏冬鍋，價錢稍貴,係餐牌都寫係名古屋名物，所以我對佢寄望可能過高，來到有失望，整個烏冬鍋有數片豆皮、雞肉，數片雞脾菇同一隻蛋，味道唔算好特別。但烏冬都算滑留，味噌味唔算好特出，唔知個特色係咪淡味噌。但下次應該唔會叫。》＿《味道：6/10
見到仲有另一香港較少見的扑葉燒牛肉，都係日本中部地區的名物，係日本通常都會用飛驒牛肉來燒，呢度沒注明有咩特別，而以呢價錢＄88都應該係普通牛肉，但當然要試一下，來到上枱都係燒住，味道主要係食個汁醬，食時都食到香葉味，牛肉唔算太多但都足夠。味道：7/10
玉子卷：其實，對我來講係最有驚喜，上枱都仲係暖立立，味道甜甜地，對於我呢個日式蛋卷來講好滿足，配上好新鮮的蘿白蓉味道啱啱好。
味道：8/10
最後，點都要叫埋另一好似好多人叫的"山醬豬肉串"，我以為係豬肉骨棒個類，但原來都係一層日式炸粉係外面炸完都粘上醬料，沒咩咬口，味道唔算出色。味道：6/10
整體來講，侍應都好有禮貌，食物價錢都係＄50－＄100到，可以試多幾樣，飲品都有好多選擇，可以再幫襯。但一路用餐時外面已經開始排隊，也有好多日本人幫襯，所以來之前最好訂位，免排隊辛苦。整體：8/10
Other Info. :
估唔到第一次寫食評，係呢度第一個寫。
(The above review is the personal opinion of a user which does not represent OpenRice's point of view.)
Post
