Video
Read full review
2020-02-09
1681 views
呢間舖成日見，不過次次比屋企人話貴唔想食。今晚終於有機會同家人去食。食物：好正常。自己烤嘅食物賣相：非常似喺集中營嘅食物，無分類，啲醬一 pet 嘢咁擺喺面就算，完全無尊重過食物同食客嘅感受 服務速度：上菜非常快速，不過絕對唔夠細心。絕對唔會收走啲吉碟同飲完啲杯。見到都唔會收，0 自覺性 服務態度：做又 36，唔做又 36 咁。我一行三個人，由入塲到埋單都無侍應問過是否三人成人 (因為佢哋收費係對長者同小童係有優惠)。我哋揀咗食 “牛八 Gyuhachi“，每位成人 $278，長者/小童 $228。侍應講過 last order 會埋單前 30 分鐘提我哋，仲話到時先埋單。我多口問：“如果食到過咗小小鐘有無問題？“，對方答：“唔緊要㗎“。點完食物，好期待等食，點知成 pet 嘢咁……超失望 我哋 18:42 入塲，理應 last order 係 20:12 先會同我哋講，點知 19:45 有位侍應走過嚟話 last order 啦，我哋未嚟得切反應個侍應走咗去打單叫我哋埋單，唔夠一分鐘甜品又上埋，嗰陣係 19:49。但我屋企人仲入咗紙點啲嘢食，等無收我。20:07 我揾另一位侍應嚟問究
今晚終於有機會同家人去食。
食物：好正常。
自己烤嘅食物賣相：非常似喺集中營嘅食物，無分類，啲醬一 pet 嘢咁擺喺面就算，完全無尊重過食物同食客嘅感受
服務速度：上菜非常快速，不過絕對唔夠細心。絕對唔會收走啲吉碟同飲完啲杯。見到都唔會收，0 自覺性
服務態度：做又 36，唔做又 36 咁。
我一行三個人，由入塲到埋單都無侍應問過是否三人成人 (因為佢哋收費係對長者同小童係有優惠)。我哋揀咗食 “牛八 Gyuhachi“，每位成人 $278，長者/小童 $228。侍應講過 last order 會埋單前 30 分鐘提我哋，仲話到時先埋單。我多口問：“如果食到過咗小小鐘有無問題？“，對方答：“唔緊要㗎“。
點完食物，好期待等食，點知成 pet 嘢咁……超失望
我哋 18:42 入塲，理應 last order 係 20:12 先會同我哋講，點知 19:45 有位侍應走過嚟話 last order 啦，我哋未嚟得切反應個侍應走咗去打單叫我哋埋單，唔夠一分鐘甜品又上埋，嗰陣係 19:49。但我屋企人仲入咗紙點啲嘢食，等無收我。
20:07 我揾另一位侍應嚟問究竟發生咗咩事同點解會咁。佢嘅態度非常 “自我“ 咁答：“你可以食到夠鐘㗎，無人趕你哋走“。佢就急急腳想收返啲甜品入去。我問：“點解要咁做？“，對方又話：“你話未夠鐘嘛“。之後就叫佢照埋單同放低啲甜品就咁算
服務差到不知所謂
後來我家人就話我：“以前都話唔入去㗎啦“。我終於知道錯啦。
Post