407
159
56
Level2
17
0
【品香樓中西風味餐廳】『香港篇-深水埗區』大排檔黎講,相信各位識食既鍊金術士心裡面總有一兩間情宜結,同班兄弟姊妹暢所欲言有咩就飲杯先講。而品香樓亦係我地一間由中學到大食到大既大排檔之選。同樣地,今日約左中學同學打波,當然要去番舊時既大排檔啤啤佢,吹吹水啦!!今次黎講我地人小小得兩個人,所以要食緊係食精選野。大排檔真係唔洗諗,肉是必須的,養生既中佬一定係要食菜,再加上品香樓必叫朱古力,最後就試試大排檔新寵兒 – 黃金魚皮啦。肉黎講,我地就揀左品香樓既招牌菜 – 風沙雞(半隻)。風沙雞既意思就係炸子雞再加炸蒜撈埋一齊黎做(唔係瀨尿牛丸) 。今鋪就真係失望,上台算係幾快既,可惜D皮就只有一半係脆既都唔緊要。咁就試D肉啦,估唔到D肉竟然未熟透,咬到去骨位竟然仲有血流出黎。相比以前既質素黎講真係失望,多人食忙既話都唔怪佢。可惜當日都只有幾台客,依然係咁既質素,唔知係咪想趕走D捧場舊客呢。講下個菜啦,啫啫通菜煲菜反而唔錯。一位有特殊問題既員工細心服侍我地,燒紅左既鑊再加上岩岩炒起既通菜,果然挽回番小小分。不過就略嫌鹹左小小,可以接受既,加番D誠意分啦。最後就講下大排檔新寵兒 – 黃金魚皮,呢道菜都
Read full review
【品香樓中西風味餐廳】
『香港篇-深水埗區』

大排檔黎講,相信各位識食既鍊金術士心裡面總有一兩間情宜結,同班兄弟姊妹暢所欲言有咩就飲杯先講。而品香樓亦係我地一間由中學到大食到大既大排檔之選。同樣地,今日約左中學同學打波,當然要去番舊時既大排檔啤啤佢,吹吹水啦!!

今次黎講我地人小小得兩個人,所以要食緊係食精選野。大排檔真係唔洗諗,肉是必須的,養生既中佬一定係要食菜,再加上品香樓必叫朱古力,最後就試試大排檔新寵兒 – 黃金魚皮啦。

肉黎講,我地就揀左品香樓既招牌菜 – 風沙雞(半隻)。風沙雞既意思就係炸子雞再加炸蒜撈埋一齊黎做(唔係瀨尿牛丸) 。今鋪就真係失望,上台算係幾快既,可惜D皮就只有一半係脆既都唔緊要。咁就試D肉啦,估唔到D肉竟然未熟透,咬到去骨位竟然仲有血流出黎。相比以前既質素黎講真係失望,多人食忙既話都唔怪佢。可惜當日都只有幾台客,依然係咁既質素,唔知係咪想趕走D捧場舊客呢。

講下個菜啦,啫啫通菜煲菜反而唔錯。一位有特殊問題既員工細心服侍我地,燒紅左既鑊再加上岩岩炒起既通菜,果然挽回番小小分。不過就略嫌鹹左小小,可以接受既,加番D誠意分啦。

最後就講下大排檔新寵兒 – 黃金魚皮,呢道菜都叫做現時我去大排檔必叫既菜式之一。每次食親都非常期待,十分滿足。但係品香樓既呢道菜真係非常令我失望,個魚皮本身都唔錯,都係牛腩粉面質素,脆但係唔熱都不是重點。個重點係個黃金醬竟然係另上,連功夫都慳埋。咁我不如去牛腩粉面店嗌個$12魚皮,加個醬唔係性價比仲高咩?

最後個朱古力就係維持一般質素,如果唔飲得太甜既就唔建議叫杯朱古力啦。

總括以然,大排檔黎講見到愈黎愈多後起之秀而呢間童年回憶既質素就愈黎愈差,感覺真係好可惜。希望將來有機會再黎食既時候會食到從前既驚喜啦。

各位鍊金術士有興趣都可以試下,歡迎PM 交流下。

識食‧你都會係食の鍊金術士
朱古力
$23
13 views
0 likes
0 comments
啫啫通菜煲
$75
18 views
0 likes
0 comments
黃金魚皮
$58
21 views
0 likes
0 comments
風沙雞 – 半隻
$135
17 views
0 likes
0 comments
(The above review is the personal opinion of a user which does not represent OpenRice's point of view.)
Post
DETAILED RATING
Taste
Decor
Service
Hygiene
Value
Date of Visit
2020-03-04
Dining Method
Dine In
Spending Per Head
$170 (Dinner)