Read full review
2017-02-28
750 views
第一次食星座冰室係男朋友帶我去既👫,位置非常偏僻,要經過一個破舊的商場,仲要再經過一條幽暗嘅樓梯先去到。落到去,發覺唔單止商場舊,連餐廳裝潢都好殘舊,男朋友話要試吓我係咪挨得苦...😅其實我細細個就行開街市,食開大排牌,都無乜所謂😝有時仲覺得呢啲舊式茶餐廳會特別有風味,呢啲嘢點會難到我😂Menu 得兩版,非常簡單,個個唔係食蕃茄麵就係食多士。男朋友自動幫我發板,叫咗一碗番茄牛肉撈蛋通比我,一碗蕃茄牛通比佢自己!一上枱,就覺得成碗麵好有媽媽嘅感覺!因為媽媽細個煮麵比我食嘅時候,就係用哩種碗裝比我,所以對呢款碗特別有感覺!先講男友碗蕃茄牛肉撈蛋通,蕃茄味道非常濃郁,味道清甜帶微酸,相當醒胃。我的蕃茄牛肉撈通就加咗雞蛋,所以散發咗陣陣蛋香味🍳配埋切成薄片嘅牛肉一齊食,滋味又飽肚,我地形容佢為「窮人恩物」👍🏻 拍拖要慳錢,除咗食譚仔外,其實食星座冰室都唔錯
Post