Chiller

Open Now

Now Closed

一日係土瓜灣街頭嘅轉角位，見到呢間本地燒烤店，好好奇，所以就諗住搵日去試。今次星期日晚市時間去到，發現餐廳竟然只有一枱可以坐，又好好采咁岩俾我坐到。 老闆話生意差係咁，唯有做下外賣生意，外賣串燒又點夠新鮮好食呢，所以梗係要坐底慢慢試。海鮮、燒肉、蔬菜都試左，係度就淨係Highlight幾樣。「珍寶紐西蘭肉眼扒」好大塊，店員都會問你要幾成熟，我地嗌左5成熟。嚟到會切好俾你，食落好夠肉汁。「蒜蓉燒蠔」嘅蒜蓉似係自家製，好香濃，但稍嫌蓋過蠔本身嘅味。蔬菜類嘅串燒都好足料，串到滿一滿，孜然茄子更係大份夾抵食，必食之選。