🐣玲瓏浮凸•花膠雞湯鍋🐔
超級推介👍🏻👍🏻首先會先上左花膠雞鍋湯底，超級甜，飲一啖真係覺得好滋補。湯入面加左一大塊厚身花膠，店員會係你面前剪成細細塊放入湯底入面，食花膠都已經飽左一半🤣花膠煲到好軟，雞肉又嫩滑，未食其他火鍋配料已經好滿足。
🐮大滾友牛肉拼盤
款式超級多，有牛小排、手切牛頸脊、金錢展、牛黃喉同牛舌。牛嘅質素真係無得彈，有冧身既，又有有咬口既，牛味濃。我最鐘意係薄切牛舌，淥幾秒就食，爽🫶🏻
👑黃金藏嬌和牛墨魚丸🦑
呢隻係創意手打丸，墨魚肉中間包左一粒和牛！和牛嘅牛油脂香味同墨魚丸嘅海鮮味配合得非常好，有咬口，一試無防💕
最後，臨走記住食埋火焰焦糖豆腐花！！豆腐花係姨姨自家製嘅，豆味香濃又滑身。上枱嘅時候侍應會加上紅糖、燒酒，再用火燒到面層脆卜卜，好似焦糖燉蛋咁，不過係豆味既，好有味蕾衝擊。
餐廳入面仲有免費兒童餐，仲有得俾小朋友夾公仔、睇電影。下次家庭聚會黎呢到打邊爐都可以放心食，小朋友開心睇電影🫶🏻
