丸十寿司日本食堂 (Closed)

原本叫咗一個牛肉他他，諗住係頭盤食咗先，但係最嬲尾先嚟到我覺得都幾開胃，牛肉真係好新鮮，個汁調校得唔錯，酸酸地咁樣。另外，叫咗一個$108嘅壽司拼盤，我覺得做得麻麻地，啲飯成日散開晒，好難成功夾到一舊上碟，魚生尚算新鮮，但係啲米真係做得好差，黏度唔夠，希望佢個廚房可以有所改善。另外，仲有米漢堡可以試，好少見日本餐廳有呢一樣食物。依間餐廳係用電話Scan QR code落單，我覺得都幾方便。食物價錢有平有貴，刺身都係走啲比較高檔嘅路線，亦都有啲魚生飯比較平。