頭盤係鵝肝蝦多士, 好新鮮, 比出面一般既蝦大隻, 炸出黎個感覺都唔係好油, 大讚
重點推介1 呢個豆腐皮係出面食唔到既味道, 唔同一般炸粉, 口感好好, 加埋個秘製醬汁甜甜地好開胃
炸子雞雖然冇特別, 但係點洛神花醬汁就成件事唔同晒喇
龍蝦炸面, 正常好食, 面好脆, 龍蝦同個汁都好夾個面, 不過個人喜好唔鍾意食3色椒
避風塘炒蟹, 唔洗講野, 好大隻好新鮮, 好好食
重點推介2 大良炒鮮奶, 每一啖都充滿住蟹肉, 6個人分一碟係唔開心既, 下次要打孖
其實叫左十樣野, 不過有D冇影相, 唔緊要, 因為食物服務質素都好好, 會再返黎既
