Read full review
2020-03-26
6016 views
話說K11Musea開咗咁耐，琴日我先第1次去。雖然知道好靚，個個都去打卡，但其實真係唔多鍾意同人去迫！咁啱去開尖沙咀，見有啲時間就自己去行下～個場真係又大又靚，第1次行真係差啲盪失路⋯重點係無乜人，想點影都得⋯各大名店職員亦非常好禮貌⋯其實真係安全過行山⋯由最底下層行起，邊行邊閒到啲麵包香⋯一路追蹤住啲香味，終於俾我發現到大量牛角包🥐其實我無特別留意過依間野（都係琴日出完Story，有好多人問我仲多唔多人排先知）好！講返個牛角包先！之前都試過排隊買過唔少牛角包，但次次都希望越大就失望越大！今次誤打誤撞，完全唔洗排除，仲有好多款式俾我揀！有：原味、抺茶、亞麻籽、芝麻、杏仁、士多啤梨、紅莓⋯咁多款味放晒喺到任揀⋯Strawberry Cloud Crosisant $28［分數：9/10］我先買咗個士多啤梨味嘅試下先～依款Cloud Crosisant 上面會有啲Cream，甜度都幾高，所以一定要配埋牛角包一啖過咬落去！而上面亦有輕輕燒過，口感會有少少似燒綿花糖牛角包底面都焗得好鬆脆，而且唔會好似灣仔某間牛角包店，有時焗得太燶，會有啲苦。而佢仲保持到外脆內軟～唔會太乾！當然佢嘅牛油香亦唔
話說K11Musea開咗咁耐，琴日我先第1次去。雖然知道好靚，個個都去打卡，但其實真係唔多鍾意同人去迫！咁啱去開尖沙咀，見有啲時間就自己去行下～個場真係又大又靚，第1次行真係差啲盪失路⋯重點係無乜人，想點影都得⋯各大名店職員亦非常好禮貌⋯其實真係安全過行山⋯
由最底下層行起，邊行邊閒到啲麵包香⋯一路追蹤住啲香味，終於俾我發現到大量牛角包🥐其實我無特別留意過依間野（都係琴日出完Story，有好多人問我仲多唔多人排先知）
好！講返個牛角包先！之前都試過排隊買過唔少牛角包，但次次都希望越大就失望越大！今次誤打誤撞，完全唔洗排除，仲有好多款式俾我揀！有：原味、抺茶、亞麻籽、芝麻、杏仁、士多啤梨、紅莓⋯咁多款味放晒喺到任揀⋯
Strawberry Cloud Crosisant $28
［分數：9/10］
我先買咗個士多啤梨味嘅試下先～依款Cloud Crosisant 上面會有啲Cream，甜度都幾高，所以一定要配埋牛角包一啖過咬落去！而上面亦有輕輕燒過，口感會有少少似燒綿花糖
牛角包底面都焗得好鬆脆，而且唔會好似灣仔某間牛角包店，有時焗得太燶，會有啲苦。而佢仲保持到外脆內軟～唔會太乾！當然佢嘅牛油香亦唔弱！
以有餡嘅牛角包類嚟計，佢亦比某間連鎖做得更好！完全唔會俾Cream同生果整淋！
所以試完一個之前，再買咗個杏仁味返屋企！重量比原味重好多，上面有層杏仁糖面，入面仲有啲牛油，真係超邪惡！之後再買多咗個鬆餅同Brownie返去～相比之下，牛角包完勝！
📍📍📍📍📍📍📍📍📍📍📍
Gontran Cherrier (尖沙咀)
尖沙咀梳士巴利道18號Victoria Dockside K11 Musea B2樓B205-B207號舖
Post
