大雞食堂

Open Now

Now Closed

碳燒香之《大雞食堂》有碳燒香既雞扒餐廳香港真係唔多，但《大雞食堂》絕對係做到呢個風味，餐廳雖小，但價錢十分親民，雞扒加出前一丁真係絕配，照燒雞扒公仔麵 (出前一丁)：雞扒上台已經好吸引，外皮燒到金黃色，入口外層脆口，再細嚼雞扒十分Juicy同有一陣碳燒香，肉質細嫩，而且雞扒新鮮無雪味，出前一丁麵底唔會淥到淋哂，好爽口，港式奶油舟麥多士：上台先原來係厚多士，多士要好食最重要唔好焊到太燶，所以今次有驚喜，口感係外脈內軟，奶油比例岡好，我女十分欣賞，不停話好食。總結，雞扒真心做得出色，不過個日3點去到，本身想食刈包，但已經售罄，唯有下次再食過。