Read full review
2022-04-22
719 views
呢間米線店已開業超過20年，儲落一班附近街坊同學生客仔，逢午市、假日必會大排長龍！店舖位置係石蔭有D偏，唔近地鐵站，喺葵興地鐵站落車行路要成半個鐘以上，所以都係轉巴士或者小巴上去。上年裝潢左個招牌，少左年代感，但店內環境其實不變，佢有兩個舖位，互相通連，可以上落，廚房煮野食係下面個舖位。眼見好多人等位同等外賣，大家想堂食要早D拎位。咁啱星期六12點到一去到就有門口2個位，直入唔洗等，但叫完野食都等左成15-20分鐘野食先到，真係太多外賣單要做，電話都響唔停，要食好西係要先學識等待！黎呢到大家唔洗諗咩湯底，因為得一款就係「酸辣」，聽聞老闆娘婆婆喺正宗雲南人，盡得佢真傳。現時小鍋米線入面嘅酸菜亦係來自雲南，為嘅係保持雲南嘅風味！呢到每一碗米線都係堅持每碗現煮，而唔係一大鑊煮哂，所以等候時間會更長。一碗好嘅米線，湯底尤其重要，係成碗麵當中嘅靈魂。呢到湯底有酸菜、辣肉碎同埋辣椒醬，辣椒醬係老闆娘自家製作，足料惹味，飲落個酸香味、辣味同蒜味好香濃同特出，而大家亦可以係碗米線見到有大量辣椒碎粒。大家叫辣度真係可以減少一度，因為有時老闆娘會重手左，小辣變中小辣。越食個辣味會越出，個麻會令到條脷發麻，
呢間米線店已開業超過20年，儲落一班附近街坊同學生客仔，逢午市、假日必會大排長龍！店舖位置係石蔭有D偏，唔近地鐵站，喺葵興地鐵站落車行路要成半個鐘以上，所以都係轉巴士或者小巴上去。上年裝潢左個招牌，少左年代感，但店內環境其實不變，佢有兩個舖位，互相通連，可以上落，廚房煮野食係下面個舖位。眼見好多人等位同等外賣，大家想堂食要早D拎位。咁啱星期六12點到一去到就有門口2個位，直入唔洗等，但叫完野食都等左成15-20分鐘野食先到，真係太多外賣單要做，電話都響唔停，要食好西係要先學識等待！
黎呢到大家唔洗諗咩湯底，因為得一款就係「酸辣」，聽聞老闆娘婆婆喺正宗雲南人，盡得佢真傳。現時小鍋米線入面嘅酸菜亦係來自雲南，為嘅係保持雲南嘅風味！呢到每一碗米線都係堅持每碗現煮，而唔係一大鑊煮哂，所以等候時間會更長。
一碗好嘅米線，湯底尤其重要，係成碗麵當中嘅靈魂。呢到湯底有酸菜、辣肉碎同埋辣椒醬，辣椒醬係老闆娘自家製作，足料惹味，飲落個酸香味、辣味同蒜味好香濃同特出，而大家亦可以係碗米線見到有大量辣椒碎粒。大家叫辣度真係可以減少一度，因為有時老闆娘會重手左，小辣變中小辣。越食個辣味會越出，個麻會令到條脷發麻，痺得好過癮！同埋好欣賞米線個滑溜口感，比起出面食嘅更加之滑身，但唔會因為咁而腍哂，入口咬落仲係彈牙同爽口。個人認為個酸菜係好食，但係太少同埋偏細切得，有啲唔夠候。
🔹自選小鍋米線(豬紅、豬軟骨)★★★★☆
自選揀左豬紅同埋豬軟骨，豬紅份量都幾多，有成7-8粒，完全冇腥性同怪味，食落幾爽口唔嚡，唔會過熟，配埋個湯底一齊食幾正。豬軟骨係呢間米線店推薦配料之一，一睇就見到個色水好深，滷得好入味，味道偏甜似瑞士汁，食落好腍身，有肥瘦、同埋軟骨嘅部位，食落都惹味，幾推介。
🔹自選小鍋米線(豬腸、雞絲、蘿蔔)★★★★☆
雞絲亦係差唔多每枱必叫嘅配料之一，雪花雞絲同普遍出面食開嘅有分別，唔係食滑口，而係食佢一絲絲吸滿湯汁嘅精華。雞絲係用雞胸肉，再人手慢慢手撕，撕成好薄好幼細，係心機同時間之作。雞絲索哂個湯汁，每啖都好香濃惹味，第一次黎食可以一試。蘿蔔大舊同幾多件，清甜同夠哂腍，食得多肉食件蘿蔔就岩岩好。豬腸就比較失望，切得太細，冇哂應有嘅口感，同埋唔係太有味道，對比起豬軟骨差好遠。
🌟總括：湯底、米線、配料各方面整體上都好唔錯，鍾意食酸辣、重味嘅都可以去食。但大家要俾D耐性，預左需要等位同出菜。溫馨提示，呢到唔做晚市，六點就關門，大家想外賣同堂食都要早D去，同埋晏去好大機會出名必食嘅餸都會沽清。
Post
