洪記士多 (Closed)

今日黎左石澳行下，吹下海風，石澳除左港島徑第九段出名之外，最出名既野都係依間食店，同朋友提起石澳都會講依間洪記。洪記士多之所以咁受人歡迎，因為佢有平靚正既麵食，除左遊客之外，住石澳既人都唔少捧場客，今日閑日，好多都係街坊客，坐到出晒黎街度。洪記餐牌以粉面為主，有燒味、牛腩、魚蛋等等既麵食，係個咁郊外既環境能夠食到都幾surprised ! 我地叫左佢最出名既燒鴨脾懶粉！好正，真係全脾，而且燒得有香，好多汁，再配埋懶粉，真係好正，夏天行完山食，再叫埋可樂真係好爽！