神石燒牛扒水產專門店 (新達廣場) (Closed)

今日出左糧，同老公去食好野，老公冇肉不歡，所以同佢去食神石燒～依間燒肉店要喺自助售賣機點餐，我同老公正在研究之際，侍應都好貼心，比餐牌我地睇，教我地落單我地選左日本A5佐賀和牛二人前套餐坐底後，侍應同我哋講自助吧有沙律、麵豉湯、白飯任食，半自助形式，感覺唔錯雜菜沙律有四款醬可以選擇， 有柚子醋汁、胡麻汁、千島醬、意大利黑醋汁我自己鍾意食柚子醋汁，酸酸地非常開胃白飯加啲開胃嘅芝麻紫菜粒粒脆，燒紅左嘅石板，侍應話如果一陣覺得唔熱，隨時可以更換新石板二人前套餐，有A5佐賀和牛、美國黑豚肉、美國頂級羊扒、安格斯牛膈肌、帶子及清酒煮蜆，非常豐富A5和牛非常美味，入口即溶，而牛膈肌放在石板燒，本身已有一成熟，所以可以因應個人口味而燒，我就鍾意食生d，三成熟～而老公就鍾意七成熟，真好各取所需帶子肉質不錯羊扒肉質鮮美，完全冇羶味，加啲岩鹽落去非常好味黑毛豬，好厚切肉質非常Juicy，完全唔靭，配埋啲燒汁食，非常夾整體來說，配合價錢及服務，性價比算高，而沙律、麵豉湯、紫菜芝麻脆白飯任食，真是值回票價