真係要咁岩有位我地先有機會食呀！
如果唔係都唔知要等幾耐！
因為呢間鋪頭，行既路線，唔只係食店
而係同顧客既關係
今次第二次食！
老闆（肥版周俊偉）已經認得我同吃貨朋友！
～我地黎左4 次，但都只係食到兩次～
D串燒係咪好食到咁，咁我又唔可以咁講！要重申一次人情味串燒！唔係到到食到
你一坐低，老闆第一件事就係問你飲咩⋯⋯驚你會渴親咁
燒好既串燒會一碟碟咁上比你
係你等食既時候，一定唔怕悶，因為老闆會同其他熟客傾計
我會聽到好多有趣既事！
除此之外，老闆播既唱，我首首都識唱，真係好有taste! 大家食食下係到唱歌
係好relax 既！
特別讚係老闆好有禮貌同埋好真誠咁講多謝
真係比佢打動到架
佢地仲會有心思咁釀下時令水果酒添，不過，我仲等緊個大大樽佳釀，有得睇，未有得飲
入番正題，講番食物：
種類多，而且多花款既！
極度推介：
芝士肉醬茄子
老闆係咁say sorry 話太忙睇漏左
但呢個茄子好食度抵番晒
一定要食！ 超多芝士下面就係層肉醬，撈埋茄子食，絕配
不過
呢到既牛舌就真係唔平喇！ $35 一串，但我吃貨朋友係牛舌控，所以幾貴都係會點既
而呢到串燒係由老闆係4 點鐘左右開始預備，意思即係串燒會一早拮好，但未燒，用保鮮紙包好既，同同區另一間串燒點有d 唔同啦⋯⋯
好唔好就見仁見智喇
溫馨提示：中辣係幾辣，小辣又唔夠辣，哈哈，自己要同老闆溝通下喇
4
