26
5
3
Level2
11
0
剛剛寫完Mono, 挑起條筋,又寫下近排兩間熱門法國餐廳, L’Envol by Olivier Elzer 同 LOUISE by Julien Royel; 今次先講L’Envol.Chef Olivier Elzer 係法國廚神 Joël Robuchon 弟子,認識Chef Olivier由 Pierre 開始,之後L’Atelier de Joel Robuchon再到自己開Seasons,最後佢同老細反枱去咗 W Hotel 一段短時間再到現在 L’Envol. 老實講,Seasons 我覺得真係一般,W 嘅 Kitchen 就... 不提也罷!自去年六月到最近一共去過L’Envol 5 次,説實話L’Envol 呢類fine dining 餐廳並非我杯茶,一去再去只因太多朋友想試,而小弟又係一隻唔錯嘅飯腳!上個月 Sommelier Phenol 大哥話menu 同 wine pairing 都 fine tune 咗,又去探吓Chef Olivier 兼同 Phenol 大哥吹吓水。朋友未去過就試Signature menu,我就再試Prestige menu,兩個都
Read full review
剛剛寫完Mono, 挑起條筋,又寫下近排兩間熱門法國餐廳, L’Envol by Olivier Elzer 同 LOUISE by Julien Royel; 今次先講L’Envol.


Chef Olivier Elzer 係法國廚神 Joël Robuchon 弟子,認識Chef Olivier由 Pierre 開始,之後L’Atelier de Joel Robuchon再到自己開Seasons,最後佢同老細反枱去咗 W Hotel 一段短時間再到現在 L’Envol. 老實講,Seasons 我覺得真係一般,W 嘅 Kitchen 就... 不提也罷!


自去年六月到最近一共去過L’Envol 5 次,説實話L’Envol 呢類fine dining 餐廳並非我杯茶,一去再去只因太多朋友想試,而小弟又係一隻唔錯嘅飯腳!上個月 Sommelier Phenol 大哥話menu 同 wine pairing 都 fine tune 咗,又去探吓Chef Olivier 兼同 Phenol 大哥吹吓水。朋友未去過就試Signature menu,我就再試Prestige menu,兩個都配wine pairing *原則上同一枱客人係要order 同一個menu 嘅,but... 識人係可以有例外嘅😝


Fine tune 主要係 presentation 同 wine pairing,食物大致冇變,Signature menu 朋友同我都覺得頭三度菜比較好,分別係
Le Filet De Boeuf Du Piemont (牛肉鮑魚他他),L’oursin D’Hakkaido (北海道海膽)同 Le Homard Bleu Breton (法國藍龍蝦)。


Prestige menu 以魚子醬配香檳同白酒為主,個人最鍾意係第二度Le Shadi de La Maison Nordique (Shadi魚子醬配蟶子) 同第三度 L’Ossetra Tsar Imperial Petrossian (Tsar Imperial魚子醬配鴨蛋)。


酒單加咗唔少精品,Wine Pairing 我比較喜歡Prestige menu 個酒單。由7點食到接近11:30, 同Chef Olivier 傾咗一陣加埋朋友集郵打卡已經午夜12點,佢反而話我阻人收工!?


如果你係芝士/甜品痴,L’Envol 架cheese / sweet truck 一定唔會令你失望,冇錯,係truck 唔係車仔,大到呢!! 識食又食芝士嘅一定要試法國Pays Basque少量生產嘅24 months Artikadza 同產自Auvergne火山區嘅半硬法式芝士 Le Salers, 配餐廳精選伊朗蜂蜜,白巧克力、無花果等,正!朋友係芝士狂加上靚仔法籍經理同我朋友話想要幾多款都得😊😊 !老實不客氣,試咗十款以上😝


約會慶祝L’Envol 係唔錯嘅選擇,前題係荷包有番咁上下厚😝 Olivier Elzer 加 St. Regis (Marriott 旗艦品牌)無論環境,服務,食物,酒都俾到合符預期嘅質素,摘星亦係意料之內。however; 以咁嘅 price tag,選擇其實好多😄 新Amber 係其中之一
(The above review is the personal opinion of a user which does not represent OpenRice's point of view.)
Post
DETAILED RATING
Taste
Decor
Service
Hygiene
Value
Date of Visit
2019-12-20
Dining Method
Dine In
Spending Per Head
$6000 (Dinner)
Recommended Dishes
  • Le Filet De Boeuf Du Piemont
  • L’oursin D’Hakkaido
  • Le Homard Bleu Breton
  • Le Shadi de La Maison Nordique
  • L’Ossetra Tsar Imperial Petrossian