食過幾次，食物既質素都唔錯架。而且環境比我地預期既舒服。重要既係，呢度有電視
睇架，不過係有畫無聲。
因為係星期日，所以人流比較冷清。
睇哂咁多個午餐，覺得個焗芝士蘑菇豬扒天使麵會好食啲。雖然等既時間比較長，不過
都無令我失望。因為個天使麵既份量都幾多，都算係大件夾好食既。天使麵既麵質雖然
唔可以同意式餐廳比較，不過無整到成pat漿就已經唔錯啦。因為天使麵既麵質比較難
控制，整得唔好真係可以整到pat漿咁架。好彩，我仲未試過呢啲"漿麵"。
講完天使麵，
就講番個豬扒。醃味都唔錯既，而且又唔算太多骨，啱哂我呢啲懶人食。
而個汁同普通
既茶餐廳白汁分別不大，只不過加上芝士就變得好食啲。
整體上都唔差既，食完真係
好飽。
而餐後既凍奶茶大大杯，茶味濃已經可為呢餐午餐劃上完美既句號。
喺一個好hea既星期日，享受一餐難得休閒既午餐。望住班維園呀伯為時事話題針鋒相
對，而謝志峰就話你既發言時間夠啦....。講真，如果大家可以relax一下，就唔使個個
禮拜都"上電視"啦。雖然呢度既電視有畫無聲，不過咁睇班維園呀伯又幾得意架。
