網上見到帶一篇負評話「自己整都好食過佢」「個包細左好多」，咁啱上山頂散下心，就試下你有「難食」
嗌左個蘑菇芝士漢堡餐 加大＋$5 ，總共$93，的確唔算平。但考慮到山頂特殊位置及人流偏少，價錢尚算合理。
拎到埋位，見到茄汁有3包真係嚇左一嚇，諗起M記成日都漏比茄汁真係好大對比
真係好耐未試過食到最後都仲有茄汁俾我點。。正！薯條加大後，望落去唔似大包左，有待改善。
但味道唔錯，又粗又大條，口感適中，唔會好似出面D壞人翻炸又翻炸。
打開個漢堡有成6寸，無呃人，大大個，夠晒2個人食。每一啖都食到蘑菇同芝士，感覺滿足。性價比唔算低呀。
真心希望佢開多幾間，俾人多D選擇！
