Read full review
2021-10-11
750 views
連續6年取得米芝蓮3星最高榮譽🏅早在2009-2015年已經穩攞米芝蓮2星🏅果然係大有來頭！而香港數一數二嘅中菜廳，除咗四季酒店-龍景軒之外，另一間就係呢間啦！ 所以今次特登揀週年紀念呢啲特別日子try try佢， 開始我哋呢次嘅 #摘星之旅🌟！究竟佢厲害在邊一到？ 個人覺得佢服務優勝於食物味道，服務真係攞足100分，令人冇辦法挑剔，試問香港有幾多間中菜館可以做得到🤔先講環境同服務，餐廳佈置冠麗堂皇，盡顯氣派，俾人一種好高貴優雅嘅用膳氛圍，樓底高，枱與枱之間距離寬敞，令人坐得好舒服。入得嚟用餐嘅都係非富則貴 ， 所以餐廳都安排咗每張枱都會有一位專屬職員照顧你嘅需要，斟水換茶都係由佢包辦，值得一讚佢哋係非常專業及貼心👍🌟🌟🌟🌟🌟🌟🌟🌟🌟🌟🌟🌟Menu上面冇一道菜係唔貴🤣 所以今次想分享吓幾款推薦菜，等大家留定quota食😆🏅釀焗鮮蟹蓋 $210/隻炸脆嘅外表包住滿滿嘅蟹肉絲，每一啖都係蟹肉，心諗到底呢到用咗幾多隻蟹先做到呢個效果🙈 每食一啖都珍而重之，好好享受， 絕對係誠意之作👍🏅唐閣片皮雞(兩食) $700外皮超級脆！必試！職員會喺你面前切一片片，佢哋刀工超好，外皮切得好薄，切嘅時候
究竟佢厲害在邊一到？ 個人覺得佢服務優勝於食物味道，服務真係攞足100分，令人冇辦法挑剔，試問香港有幾多間中菜館可以做得到🤔
先講環境同服務，餐廳佈置冠麗堂皇，盡顯氣派，俾人一種好高貴優雅嘅用膳氛圍，樓底高，枱與枱之間距離寬敞，令人坐得好舒服。入得嚟用餐嘅都係非富則貴 ， 所以餐廳都安排咗每張枱都會有一位專屬職員照顧你嘅需要，斟水換茶都係由佢包辦，值得一讚佢哋係非常專業及貼心👍
🌟🌟🌟🌟🌟🌟🌟🌟🌟🌟🌟🌟
Menu上面冇一道菜係唔貴🤣 所以今次想分享吓幾款推薦菜，等大家留定quota食😆
🏅釀焗鮮蟹蓋 $210/隻
炸脆嘅外表包住滿滿嘅蟹肉絲，每一啖都係蟹肉，心諗到底呢到用咗幾多隻蟹先做到呢個效果🙈 每食一啖都珍而重之，好好享受， 絕對係誠意之作👍
🏅唐閣片皮雞(兩食) $700
外皮超級脆！必試！職員會喺你面前切一片片，佢哋刀工超好，外皮切得好薄，切嘅時候聽到外皮卜卜脆嘅聲音，我哋已經流哂好水🙈 呢個片皮雞嘅食法同片皮鴨一樣，都係用麵粉皮包住醬汁、青瓜、辣椒同大蔥一齊食， 鍾意食片皮鴨嘅話一定好鍾意！雞肉唔乾，而且好有油香， 外皮仲要咁脆！好快就畀我哋兩個人清曬🤣
不過二食炒雞絲嗰陣，雞肉已經變得乾身，冇咁好食了🤔
本身其實我哋係想食片皮鴨/ 片皮乳豬🙈 但一早已經賣曬，所以下次嚟記得要book位時預訂！試完今次之後，我有信心片皮鴨會更好食😋
🌟🌟🌟🌟🌟🌟🌟🌟🌟🌟🌟🌟
🦀唐閣寶盒飯 $140/位
賣相好靚，係金蟹形狀嘅擺盤，外表有層焗芝士焗得好靚，入面就係海鮮飯，不過個人覺得海鮮飯就普通咗啲🤔 份量亦都唔多，一隻大概半碗飯左右，建議唔洗特登試呢個，留返quota食其他仲好😋
🍮蓮蓉焗布甸 $65
呢款係蓮蓉餡焗西米布丁， 蓮蓉味道好濃， 味道幾特別，但我哋已經食得太飽，仲嗌咗一人一碗🤣 再加上餐廳又送咗啲甜品畀我哋食🤣 呢款蓮蓉焗布甸就真係愈食愈濟，感覺如果甜返少少會好啲🤔
🍐精緻甜點 (送)
最尾，餐廳送咗每人一件桂花糕同紅豆酥，有個🍐形狀係紅豆酥，外皮係曲奇脆皮，入面嘅紅豆餡唔算好甜，因為食到尾已經食得好飽，所以細細件就真係啱啱好🤣
🌟🌟🌟🌟🌟🌟🌟🌟🌟🌟🌟🌟
總結係，呢間米芝蓮3星中菜嘅每道菜都係真材實料，但部分食物味道未必會令人好amazing，可能因為“米芝蓮3星”呢個title令人太大expectation🙈 但值得一讚呢度嘅服務真係攞足100分👍 如果你哋都想過嚟體驗下嘅話，照著上面食推薦菜，應該都食得盡興嘅😋 (戴返個頭盔先👷🏻♀️)
19 views
0 likes
0 comments
14 views
0 likes
0 comments
19 views
0 likes
0 comments
Post
