DDG Kitchen

其中一間超吊腳，交通勁唔方便而我又成日好想去嘅餐廳就係東道煮。認識咗呢間餐廳大約兩年時間，平均一個月都會去一次，而且仲會好想去。雖然佢有好多其他款式我都想試，但我總忍唔住叫呢個花膠雞湯飯。

花膠雞湯勁濃郁，唔小心就會比花膠嘅膠質黐住咗嘴唇。有趣嘅係你會留意到佢不時會轉換花膠嘅品種，所以花膠嘅口感唔同時間會有所不同，燉雞湯卻永遠保持濃郁。另外佢嘅雞翼做得非常嫰滑，即使雞胸肉都唔會有鞋口嘅感覺。

除咗食嘢，我亦都好享受藝術中心嘅氛圍，樓梯嘅公眾地區周不時會擺放唔同嘅作品，所以每一次嚟到都有新鮮感，會帶給我唔同嘅感受，除了填飽肚子，心靈亦得到滋養。