真味鮮廚 (Closed)

晚市重開，又可以八人一台，一定要約埋一班朋友去打邊爐！以前都已經幫襯過觀塘這間任食火鍋店，覺得價錢好抵之餘，食物亦多款而且好新鮮！我們點了龍蝦套餐，每位$348，套餐包括刺身拼盤、重慶雞煲、龍蝦海鮮盤、特級安格斯肥牛、巨型水餃王，另外十數款任吃火鍋配料，汽水啤酒任飲， 十分豐富。刺身拼盤六款刺身，有帆立貝、海蝦、三文魚、喜靈魚、冰鎮鮑魚及八爪魚。幾款刺身都幾新鮮，特別是冰鎮鮑魚，煮得幾腍。重慶雞鍋雞煲可以任食，煲入面有芫荽、洋蔥、大涌、辣椒，又辣又惹味。芫荽皮蛋湯底食夠雞鍋，侍應會換上火鍋湯底，我們選擇了芫荽皮蛋湯底，整煲湯底充滿住芫荽味，芫荽控必選！龍蝦海鮮盤龍蝦海鮮盤真材實料，各款海鮮都好新鮮，特別是龍躉、鱔片、青口、串蝦，主角龍蝦非常爽口彈牙。特級安格斯肥牛肥牛雪花入口即溶，雪花分布均勻，牛肉味濃。除了特級安格斯，還有其中一款任食火配料是美國肥牛。巨型水餃王手工水餃超大隻，入邊有兩隻大蝦，爽口彈牙。任食火鍋配料中的蜂巢豆腐、蝦滑、響鈴、韭菜餃都是必吃之選。最後一提，餐廳侍應服務非常好，時時會幫忙換碟加水，值得一讚！