心之食堂 (Under Renovation)

好老實講，我上黎睇好似幾高評價仲要係黃店一心諗住點都要懲罰下既，但走既時候真心覺得一啲都唔值有咁高評價，希望可以改善一下。原先我book左原定時間已經提早30分鐘到去排隊，希望可以準時入座，最後反而比原先book遲半個鐘，都無咩問題既預左多人一定要耐心等候，但竟然walkin既會入先之後先輪到我地，安排入座有少少亂。到入座都滿心歡喜order野食，話明懲罰梗係咩都嗌啲幫襯下，但老實講我order左13款野食係真係得三文魚，蛋卷同杯野飲係可以。燒雞皮黎到已經凍左同好薄有少硬，京蔥雞肉串呢京蔥燒得好食但雞肉係過熟同硬，bb蘆筍燒得唔香口太生。而熱食燒汁牛舌都ok既不過汁調教有啲咸。到卷物既李小龍卷真係超級失望炸蟹好硬唔新鮮又凍。刺身厚切三文魚4件40蚊係好抵反而有驚喜有肥美既感覺，而帶子就一般無乜鮮甜味。壽司碎吞拿魚軍艦都可以幾大份。心之蛋卷都唔錯幾rich有3文魚碎，蟹子，芝士，仲有茄汁同埋沙律醬，如果再熱啲會比較好食。邪惡包都可以鵝肝都叫做有少少入即溶既感覺但都係一般。希望黃店之餘都可以改善下質素，希望我只係咁啱食嗰啲無咁好姐，我都想有回頭既，始終黃店係需要大家支持。