平均幾個月都會去食一次,今次真係難食到要負評,,佢地啲水準唔係下降,係直頭好似飛機墜毀咁下插!
佢地啲麵一間淋過一間,真心我自己煮都好食過佢,叫左個半根半腩牛肉麵,啲牛根好奇怪地係淋但係透明冇味,係少少入味都冇
想點呢其實?!
之後叫左個口水雞翼,黎到真係呆左~
30蚊3隻,上面個啲辣椒仲衰過我屋企個樽,想問下邊到有口水風味?隻雞翼同個醬係完全分開,隻雞翼係全白色,上面所謂口水風味既辣椒醬正正就係我叫佢俾啲辣椒醬我送麵個啲,我真係驚喜到不得了
,又唔係平過人,但係又難食過人~真心覺得啲廚房佬請番黎係倒米,對野食毫無原則可言.
