Read full review
2016-02-12
4578 views
佢未攞米芝蓮前已經食咗好多年，但聽啲街坊講佢攞咗米芝蓮後質素低咗所以冇乜再嚟食。但媽咪最愛呢度嘅髮菜蠔豉，所以今晚初二再嚟食吓啦！髮菜蠔豉大脷($298)：同十幾年前相比，蠔豉嘅size細咗好多，而家大概係成年男人嘅手指尾咁長，當年係中指咁長。不過算啦，咁多年嚟加價唔算勁，到而家仲可以$300一碟，收貨啦！冰梅骨($178)：賣相欠奉，勝在有14舊算多。好有豬肉味，而且好淋唔會有黐牙嘅感覺，一咬就骨肉分離。酸酸哋嘅梅醬好開胃，忍唔住不停咁食！南乳齋煲($168)：碟頭好大，而且足料。由於落單嘅時候叫咗少油少鹹，所以南乳的確輕手咗好多，只係落少少用嚟點綴吓，而且並冇出面嘅南乳齋煲咁油，所以呢個餸絕對老少咸宜，尤其是怕油膩怕鹹嘅朋友福建炒飯($168)：呢個炒飯非常成功，首先炒飯好乾身，而且粒粒分明，可以逐粒逐粒夾起。個獻喺炒飯嘅正中間，成個樣好整潔，獻有獻嘅空間，炒飯有炒飯嘅空間，河水不犯井水，直至客人將佢哋撈勻啲飯先會變得濕潤。最怕外面嘅福建炒飯獻非常鹹，好在呢度個獻一啲都唔鹹，仲有好濃瑤柱嘅香味及新鮮蝦味服務：會定期埋嚟睇吓茶煲需唔需要加水，抵讚！開心嘅係，呢度一直播賀年歌曲，冇錯雖
髮菜蠔豉大脷($298)：同十幾年前相比，蠔豉嘅size細咗好多，而家大概係成年男人嘅手指尾咁長，當年係中指咁長。不過算啦，咁多年嚟加價唔算勁，到而家仲可以$300一碟，收貨啦！
發財好市大利
102 views
0 likes
0 comments
冰梅骨
122 views
0 likes
0 comments
南乳齋煲
121 views
0 likes
0 comments
福建炒飯
127 views
2 likes
0 comments
開心嘅係，呢度一直播賀年歌曲，冇錯雖然係聽足咁多年，但係過年係要有啲賀年歌先應節架嘛！而且四圍都係好多大檯嘅家庭客，感覺好溫馨！食物係好味嘅，而且碟頭係好大， 所以係抵食嘅！而且走踏實路線唔會雕晒花呀要即刻相機食先咁樣！至於值唔值得攞米芝蓮呢？
Post
