Bellevue Bar and Grill (Closed)

明明網上確認訂座 但去到既時候成場爆滿 侍應話暫時未有位 要企係門口等 門口仲要完全無風 雖然有位侍應都比左杯水我地 但真係好熱 企足十五分鐘先有枱比到我 咁請問個網上訂座係開黎做咩？個段時間無位點解仲可以比人訂枱？入到去之後侍應哥哥即刻再比多杯水我地 再介紹下個餐牌 我地睇睇下餐牌既時候 佢地亦好細心咁整左兩杯飲品比我地飲。食物方面就叫左個Cesar Salad with Parma Ham,就咁幾條菜 + 幾塊ham 擺側邊就出左黎，一啲特別都無 係屋企都可以整得靚過佢 仲要$148😅之後叫左一個龍蝦湯 侍應好細心咁幫我地分開左兩杯 呢樣值得讚賞 味道唔錯 幾濃郁主菜方面叫左佢地餐廳既主打熟成牛肉 Dry Aged Rib eye 10oz，開頭侍應介紹既時候都好期待,我地聽侍應既建議叫左4成熟，出到黎真係比普通牛肉無咁多血水，但食落同普通既肉眼無乜分別 肉味唔係特別濃，食落又多根位另外叫左個龍蝦尾扁意粉，幾好食，汁既味道夠濃味，但略嫌個龍蝦肉細份左小小，如果可以多小小龍蝦肉就好小小。雖然餐廳比左兩張coupon 我地，但真係未必會再去多次。