其實我食完都仲未知點解叫 BB 
嗯...都幾好睇
門面唔錯呀...D人都唔差...算係在e度食的其中一個原因啦 
我係平日去既, 唔算多人呀, 叫做里里外外都坐左有人咁la, 而我地就坐左出面 =) 點餐前特登上左openrice睇,哈哈
Main course食左牛 !!! 都唔差呀, 份量好足下,真係食得完至好, 因為啖啖meat 真係好飽,哈哈 靚牛呀,因為都幾鮮甜, 我估唔到會咁鮮甜lor，睇落個樣好似好多調味料咁，對我黎講就咸左少少, 如果送飯可能岩岩好
雞絲撈檬
點講好呢...抵食架！食得飽又唔算貴，我見幾張檯d人放lunch都係食撈檬
不過呢，大家黎到食嘢有唔同目的就有唔同要求ge...好似我黎hea下又唔趕時間，心情又幾好wo，哈哈～我就覺得e樣餸普通左d啦。入到口，唔難食...但食完都唔係好記得咁lor，真係太普通，我宜家都唔記得係咩味
春卷
好似幾多人提過下春卷，所以我特登叫左黎食。雖然我個fd完全唔明白點解我要系到食春卷
個春卷真係估唔到會係咁...望落去肥肥地又圓碌碌咁，好搞笑。食落去...層皮好似食煎堆，因為係糯米粉皮黎ge。內面個陷料就好似平時飲茶食ge鮮竹卷咁，有d肉呀馬蹄呀果d。哈哈哈，我食完就覺得好好笑。咁我本身都鐘意食煎堆同鮮竹卷ge，咁咪接受到個春卷lor
對我黎講幾有新意
不過不失的飲品，杯三色唔知乜都幾好飲。系到食嘢，真係需要飲品！！！！因為都幾口渴，唔知點解
我最愛甜品！！！！以一杯出色的甜品做ending，為整個experience加左唔少分架！！！！我下次可能會返黎凈係食個甜品。不過咁，甜品選擇唔多，我去食果日得三款可以選...我始終都係鐘情於tiramisu =)
總結係...唔可以話d嘢食好食到飛起...但總有d位係你估唔到，感覺幾得意。樣樣餸都抱住試下試下先咁ge心態，幾好玩。d staff態度唔錯，平日去hea下都幾好呀...
