有個朋友仔話銅鑼灣理間浜燒好正... 所以就去試吓...
漁獲浜燒喺澳門逸園中心"一梯一伙"... 舖面唔係好大...好似啲日本小店咁..
我哋被安排坐喺BAR枱既位置...
一坐低就有熱茶同埋前菜送上...
前菜係椰菜... 加咗啲辣辣哋既醬汁...
好惹味好開胃...
之後就有位侍應先生就問我哋要唔要飲酒...
就介紹咗一支FRUITY啲既生原酒比我哋..
話係限量版... 因為生原酒係春天先有既酒...
如果依家唔飲... 就要等到出年先會再出...
理支生原酒真係好易入口... 好純好滑...
配合我哋既沙律一齊都好夾...
黑松露比目魚邊沙律
碟沙律一到就覺得好靚... 啲顏色配搭得好靚...
牛油果/比目魚邊/黑松露醬/沙律菜/蕃茄仔
比目魚邊係燒過既... 魚油味好香... 夾埋啲沙律菜一齊食就岩岩好...
沙律菜好新鮮... 牛油果既口感岩岩好.. 唔會太生太硬...
黑松露醬比得一啲都唔吝嗇... 所以成個沙律都可以食到黑松露味...
前菜我哋仲有一個炸魷魚鬚...
好味! 啲魷魚好有咬口好爽... 外邊既脆漿夠脆唔會好厚...
送酒一流
今晚既亮點... 就係理條赤睦刺身...
師傅好快手又好細心咁將條魚起肉去骨...
燒一燒個面... 再擺得好靚咁上枱...
齋睇都已經夠賞心悅目... 擺埋入口更加不得之了...
條魚好新鮮... 魚肉爽口彈牙...
除左可以沾豉油同WASABI之外...
我就比較鍾意加埋個汁一齊食... 好好味... 唔會溜清清哋...
食晒啲魚肉... 條骨同個可以有兩種煮法... 炸/煲湯
因為我哋食咗個炸魷魚鬚... 所以就選擇咗將條魚煲湯...
個湯好夠熱... 仲好甜...
之後就係最重要既環節... 浜燒!
首先出場既係... 龍蝦!!
原隻龍蝦劏開一半... 喺面頭淋上醬汁...
啲醬汁入邊都入咗啲肉家... 所以特喇好味...
侍應哥哥好比心機咁燒...
除咗燒個殼... 仲同時用火槍燒個面...
咁就快啲可以食到喇...
燒好既龍蝦個面有少少燶... 好香...
之後就自己好唔純熟咁將舊龍蝦肉起出黎..
龍蝦肉好JUICY... 仲好彈牙添呀...
跟住... 就到帆立貝同鮑魚...
帆立貝有兩種味道可以選擇... 清酒同埋牛油...
因為我哋有兩隻帆立貝.. 所以一隻一個味...
帆立貝好大隻呀!! 仲洗得好乾淨添呀...
我哋首先食清酒味..
好鮮甜好新鮮... 啲群邊好爽口...
用清酒煮完之後無搶到帆立貝本身既鮮味...
第二隻就係牛油燒...
侍應哥哥一路燒嗰陣都已經聞到好香好香...
最後見到侍應哥哥將啲牛油卸到個殼邊之後燒到收汁...
燒完出黎又靚又香...
同清酒味唔同... 好濃既香油味... 另一番風味...
鮑魚既煮法就比較簡單喇... 就咁燒...
但係鮑魚真係太新鮮喇...
所以就咁燒都好好味... 好鮮.. 好爽口...
登登登... 味噌蟹甲羅燒
自從喺日本食過之後... 去親浜燒都會叫嚟食..
因為蟹膏加蟹肉... 再加隻鵪鶉蛋... 真係好好味...
每一啖都可以食到濃郁既蟹膏同埋蟹肉...
理度既中羅燒燒得唔燶... 岩岩好...
上碟既時候再加咗啲麵包糠... 增加咗食落去既口感...
食咗咁多海鮮之後就嚟一個什菇...
燒既時候已經聞到好香... 原來入邊有咁多黑松露...
用錫紙包住嚟燒... 所以仲可以保持啲菇菇既鮮味同水份...
至於支生原酒..
一路食一路飲... 早早就比我哋飲晒LU...
所以就請侍應先生再介紹多支.. 不過就要咗支細既...
侍應先生就同我哋分享用唔同既酒杯飲同一支酒係唔同味既...
真係到咗最後喇....
食埋個甜品就真係一個完滿既ENDING...
