日本洋食屋 翔

Open Now

Now Closed

有個住喺荃灣既fd話荃灣有平靚正好西，我一聽到就即衝啦。點知佢帶我喺個商場行黎行去 (其實佢應該唔識路囉～) 行到腳斷終於到，fine!! 為左好西，我咩都可以忍! 只要真係好西既話😂😂點知e間野的的骰骰，出到黎d野又真心ok 喎，至少對得住我對腳先!!個南瓜湯就ok既，南瓜味同口感都好夠，唔會d大餐廳咁溝好多奶/有舊粉咁之後真係正餐，個手打牛肉漢堡扒，無論配咖啡汁定肉醬，都係送飯一流，個漢堡係綿滑唔會好彈牙既，真心ok!!!至於最正既，就係個pizza同條燒花魚。個pizza多芝士(利申芝士拉絲控)+好足料，重點係勁脆口，真係卜卜聲好正。 條魚亦係一樣我覺得一定要有下次既野，條魚既肉質爽口少少彈牙，唔會鬆散，同埋佢跟既柚子醬油汁堅match🤤🤤又係送飯一流既好西，真心係必嗌，打打下e段野已經開始肚餓想再食🙈總結黎講，e間野除左地點隱世之外，d野食都真係衝able既，係可能多人既時候要等耐d，完。