豆花妹撈米線 (Closed)

約左朋友睇戲，佢叫我買麥記入戲院食，我話費事畀人捉到又被人趕出去戲都睇唔成就無謂啦。我話睇戲前不如去食豆花妹「快、靚、正」快夾妥。去到我叫了套餐，牛尾撈米線，牛尾炆到又「林」又多汁，味道剛剛好，套餐包炸甘薯或杏鮑菇，我選了炸甘薯，質感和我們食開的炸薯條口感不同，這類會較為豐富。雖然時間緊黜還是要叫多兩個小食跟朋友分享，我叫了 「蜂蜜芥末一口雞」，蜂蜜味吃不到，倒是芥末味較濃，一口雞無骨，我最好此類。朋友叫了「腐乳雞翼」，吃前以為會好咸，但食落去可說是有驚喜。並沒有出現很咸的情況，味道剛剛好，有汁從飽滿的雞中翼中爆出來。以快餐來說可說是十分滿意。套餐小食餐牌套餐四十元左元，小食就九元一份。睇見就想食。腐乳雞翼是兩隻的，而一口雞的芥末是我最愛的調味汁。