員工嘅服務態度都好重要😌
雖然舖頭只有Walk-In同外賣
但仍然吸引左唔少人嚟排隊
店舖非常貼心為咗減低客人排隊時辛苦
不時會提供小風扇比大家🌀
鑒於限聚令四人一枱嘅關係
當日我哋有六個朋友仔所以等候需時
店員更熱心提供冰涼嘅汽水畀我哋降溫
成件事好Sweet勁有人情味🥰
事不宜遲終於去講野食啦😌
藍芝士蘋果薄餅🍕
聽個名就知伏啦🤣
但偏偏佢就出奇地好食
唔會有記憶中藍芝士嘅臭味👻
加埋蘋果片
酸酸甜甜極度夾
唔怪之得會成為舖頭嘅皇牌👑
意大利辣肉腸薄餅🍕
哩個當然係穩打穩扎
不過辣肉腸堅係有少少微辣
同平時喺連鎖店食到嘅真係有分別
加上手工做薄餅底
梗係無得輸啦🙈
香烤黑椒雞翼
簡單形容 就係皮脆餡靚
雞翼皮焗得香脆
入面肉嫩勁JUICY😋
忌廉蟹肉大通粉🦀
蟹肉滿滿好足料☺️
加埋忌廉成件事好CREAMY
每啖食落都大滿足😚
松露油牛肝菌火腿大通粉
味道濃淡適中
連平時唔食松露嘅朋友都食埋一份
牛肝菌份量十足
成件事好幸福😍
號外📣📣📣
貼心嘅服務又點止咁少吖
由我打電話去問可唔可以帶蛋糕🎂
佢地店員已經勁Nice話
等位嘅時就可以比定佢 唔收切餅費😉
點知上蛋糕🎂嘅時候
佢地竟然播埋生日歌🎶
仲勁Sweet咁個蛋糕底畫埋花👍🏻
你話又點可以唔讚讚佢哋吖😌
最推介食物：藍芝士蘋果薄餅🍕
