ATUM Restaurant (Closed)

今晚特別日子，與老公一起出外吃飯。這間食評不錯，就選擇這間吧！可能平日關係，訂了七點枱，發現店內只有一枱客。之後陸陸續續坐滿食店。講番店內環境，灰黑色為主，燈光暗暗的。配合灰黑色的Manu，真係睇死人食物方面，叫了二人海鮮拼盤，海鮮種類繁多；有蠔、大蝦、鵝肝、鮮帶子、海胆、象拔蚌、用紅菜頭汁浸過的三文魚、蟹肉，亦點綴了食用鮮花。併盤也放得很精緻，像藝術品一樣。店內侍應有詳細講解各海鮮種類。有海鮮當然相配白酒一同品嚐。剛好店內有汽酒和白酒promotion.就試下啦。食海鮮怕唔夠飽，再叫多個熱食。豬腩肉配檸檬薏米。這配搭十分配合，估唔到薏米煮成risotto，薏米也帶有淡淡的檸檬味，配合豬腩肉的油香，可減低油膩感。薏米滑滑的，估唔到係可以這樣配搭。份量足夠，留意到侍應有介紹餐廳美食給食客，服務不錯。食得太飽，沒有點甜品。見Manu內甜品沒多選擇，又飽。留待下次品嚐吧！