民華餐廳

Open Now

Now Closed

今晚未夠8時，路過見冇乜人就入去幫襯下。餐牌本身已經唔算多選擇，仲要有好多野都沽清 - 窩蛋牛肉飯沽清、鵪鶉蛋燒賣沽清，唯有轉章魚肉餅飯同普通燒賣 (冇幾耐已經聽到連章魚肉餅飯同普通燒賣都沽清埋)。章魚肉餅飯正常，小鹹，但啲飯硬。燒賣啲皮淋哂散哂。另外要左鮮茄火腿通，配滑蛋餐肉，多士。鮮茄火腿通唔錯，好夠熱，份量同味道都正常。滑蛋係凍既，唔知係咪冷盤。多士真係要特別講，咬左勁耐先咬得爛，香口膠咁，應該係牛油搽左太耐成塊包淋哂咬唔爛… 最正常係杯熱華田 ;)服務態度都冇乜，沽清左既食物一啲歉意都冇，仲要等好耐先有人收錢，明明間店都唔多人。附近咁多食肆競爭好大，希望可以做好啲。