四眼佬打冷小廚

暫沒工作的我,係時候約朋友仔食飯兼閒聊!面皮厚嘅我提議去四眼佬,居然冇人反對
六點幾,冷清嘅塲面,再次任坐三個女仔,呱呱嘈咁討論食咩好,結果.........
鹵水鵝:勁肥嘅"我"遇着超級肥嘅"鵝"咬走肥膏放入口,居然咁入味嘅!?勁!

嘩!仲肥過我

炸乳鴿:完全覺得似係非洲籍嘅乳鴿,咁黑嘅炸到咬落係有d脆但乾身咗少少囉.....

1

非洲鴿

蒜蓉西蘭花:沒有炒散嘅西蘭花,多蒜蓉但唔咸,咬落唔太硬身啱啱好,"正"呀!

1

"正"菜

蒸魚:唔知係咩魚,唔多骨,食到好滑好鮮味,唔"鞋"喎!仲用好多葱去蒸,但唔見有薑嘅!?

1

沒有薑的蒸魚

邊食邊吹水,坐咗三個鐘,三個食飽嘅女仔各自歸家