吞POT 雞煲火鍋.住家菜 (Closed)

以前多數都係食任食雞煲，今次試下另類雞煲。本身726都係一個美食熱點，呢度最大賣點係可以望到靚景。好好彩，今次一入去，咁岩有個窗邊位可以坐。個景太靚了，感覺好特別。同朋友傾計食飯一流。入面既坐位都多，枱面都幾闊落，唔似有啲打邊爐地方，放低食物已經無哂位。呢度都幾多選擇，極度推薦芝士響鈴黎得食雞煲，一定要有啤酒。呢度雖然無生啤，但呢度既啤酒都幾相宜。今次先試試個花膠雞煲。入面有雞、花膠、響螺同菇。雞味重、足料兼滑。響片都非常鮮味。最重要係個湯底，十分濃郁既雞湯。直情可以當湯飲！除咗雞之外，再點多一客牛柳粒。牛柳粒都算多，油脂都算多。油香味好重黎呢度，最驚喜既係呢個自家製既芝士響鈴。真係無得輪。即叫即炸。入面既芝士，食落好有滿足感。