Lantern Lomei (Tang Lung Street)

週三晚收到風全城黃昏最歡樂嘅「Jamie」宣佈週五將會結束營業，XO仔當然係第一時間約會飲友去喝店子最後的酒，告別一番啦！

1

告別Jamie之... 最後的酒

由於酒客眾多，每枱限飲九十分鐘，二人歡樂過後就決定留喺登龍街覓食。落到街上驚見人龍出沒，所以就行近啲去探個究竟。

1

登龍街人龍店

原來街上有新餐廳「燈籠滷味」登場，六點半開門，所以門外企滿食客等位。

1

燈籠滷味

老友記幫忙排隊時，細佬就走咗去八；嘻嘻，店長真係好好人，未夠鐘放人入去前都俾小肥快速地打咗個圈，影咗幾幅相。小店座位不多，散座全為合併式嘅二至四人方形木枱，望落地方都好整潔。

1

散座全為合併式二至四人方形木枱

正門左方為開放式廚房，年輕嘅廚師們個個帶哂口罩同手套，衛生意思夠強，大家可安心進食。

1

開放式廚房

店內並無花巧嘅裝潢，牆上貼上啲重口味嘅海報及裝飾，都幾搞笑。

1

搞笑重口味裝飾

1

搞笑重口味海報

兩口子幸運地被安排入座三號枱，意頭真好！

1

三號枱

桌上除咗可見自助筷子及紙巾之外。。。

1

自助筷子及紙巾

每個坐位前面都擺有一份已填好桌號嘅過膠點菜紙及紅筆。請留意，每人設有最低消費三十元。

1

中文餐牌均附帶彩圖，簡單易明

兩頁中文餐牌均附帶彩圖，簡單易明。

1

中文餐牌均附帶彩圖，簡單易明

1

中文餐牌均附帶彩圖，簡單易明

冷泡桂花烏龍（$18）：大大枝凍茶色澤清澈，清涼易入口，當中嘅桂花香及烏龍茶味芬芳怡神，實屬解酒佳品。

1

冷泡桂花烏龍（$18）

$18

台式香蒜腸（$26）：已預先切成細細片嘅香蒜腸爽脆鬆潤，香甜惹味，又夠多汁，個人誠意推介！

1

台式香蒜腸（$26）

$26

香炸花枝丸拼貢丸（$28）：雙拼丸物每款各有兩粒，每粒都係咁圓咁大，爽而彈牙，不過要小心個丸心好熱。左邊嘅花枝丸金黃鮮甜，右邊嘅貢丸則芳香乾巧，各有特色。

1

香炸花枝丸拼貢丸（$28）

$28

蘋果鹽酥雞（$38）：鹽酥雞粒皮層香脆，雞肉軟嫩，伴配爽甜嘅蘋果薄片即倍添清新。

1

蘋果鹽酥雞（$38）

$38

稻庭烏龍麵（$13）＋豬腱肉（$10）＋大腸（$10）＋白蘿蔔（$9）＋招牌彈牙貢丸（$10）＋高麗菜（$9）＋魚片頭（$10）＋大豆皮（$10）：友人自選配料嘅稻庭烏龍麵賣相不俗，XO仔偷咗半注麵黎試，意外地軟潤柔韌得黎好入味。

1

稻庭烏龍麵＋豬腱肉＋大腸＋白蘿蔔＋招牌彈牙貢丸＋高麗菜＋魚片頭＋大豆皮（$81）

$81

銅鑼灣新店「燈籠滷味」環境光鮮企理，服務生友善兼效率高，小食新鮮熱辣，可口味佳，價錢合理，唯一如果可以襯埋杯啤酒就更加理想啦！