我哋四個人落10道菜，佢會主動驚我哋食唔晒，叫我哋食住先再叫。當我哋後尾同佢講好似太辣，佢又會主動幫我哋拎入廚房，試吓整淡少少。
最尾我哋真係食唔晒，叫佢幫我哋逐樣打包，完全冇怨言，包裝得好細心。
如果我係開餐廳一定會叫佢過嚟返工
至於嘢食，我哋真係原來係食唔慣湖南菜，主觀地覺得太辣，唔係我哋嘅口味。
但食得辣嘅人應該食得好開心
只係佢哋堂食嘅時間都真係幾刁鑽，我哋夜晚七點去到，竟然8:00係last order，9:00要交場。仲要冇得book位要Walk in，等到7:45先有得入座。趕急咁食咗一個鐘就要走。
大部份嘢食要打包拎走
