四季‧悅 日本餐廳 (Manhattan Place )

Open Now

Now Closed

前菜，套餐是包埋的，雖然係前菜，但用料和製作一d都唔馬虎，魚肝經調製味道帶甜甜地，好夾，食落無腥味，另一款檸檬魚味道帶酸，好開胃，加上魚肉已經去除魚骨，可以放心將整件放入口。茶碗蒸，店員送上枱時會同客人講聲小心熱好細心，因為盛器確實好熱，蛋製作得好幼滑，用口輕輕一吸就好輕易滑入口中，不過記住不要食得太急，小心燙口。岩鹽板A4薩摩和牛(厚燒)130g配御飯($498)，共有六片和牛，和牛放在鹽板上可以直接吸收鹽味，所以食用時已經好夠味，唔需要再加調味料，和牛既油脂入口即刻溶化，而且因為厚切關係，食落會較有咀嚼口感。日本和牛(150g)涮涮鍋配御飯($368)，涮涮鍋放左爆滿蔬菜，視覺上已經好震撼令人垂涎三尺，和牛油脂分佈好平均，今次係薄切，因為可以易d掛汁， 醬汁分別係牛肉汁、蛋黃汁、胡麻汁，個人最鐘意蛋黃汁因為入口好滑溜。