餐廳可以散叫但我同友人覺得叫餐抵食啲，所以叫左有蒸氣石鍋海鮮餐
另外依度仲有唔係好多地方有提供既象啤，推薦比唔中意好勁麥味但又想飲啤酒既朋友仔～
係食海鮮之前，我地仲額外叫左黑松露蒸蛋，蒸蛋既時間剛剛好，十分滑！黑松露醬都好香，配埋食相當唔錯
以上就係餐入面包既食品，用料新鮮，即使冇咩調味，淨係食海鮮既鮮味都足夠
本人最愛就係沙包蜆，比起平時出面食既蜆大粒啲又鮮甜啲
另外鮑魚都唔錯，韌度適中，唔會咬到口都酸埋！
最後就當然要食埋吸收晒海鮮精華既粥底啦！
另外老闆仲送左蕃薯糖水比我地食，雖然唔知係咪人人都有haha
間唔中放肆下食番餐蒸海鮮先開心！
