楓葉手打烏冬專門店

早前路經此地見有日式食肆新舖開張，今晚懶得煮就嚟試一試。
店舖小小，只有兩張四人枱，兩張六人枱，不用等位。
我地三個人，叫了一份煎雞定食，吉列朱扒手打烏冬，一份日式煎餃子(5隻)，一份中雞翼(四隻)。

等左幾分鐘，先嚟個餃子，皮薄夠脆多肉。

1

皮薄夠脆多肉

照燒雞扒定食…雞扒香脆好味，飯同雞扒都有灑上七味粉，好味呀！麵豉湯都好多料，好認真既食物。

2

吉列豬扒手打烏冬……大大份，個豬扒真係要讚下佢，有肉質有口感，夠鬆軟，半肥瘦啱啱好，唔會太乾太油，值得試。烏冬相反就未算最好食。

2

2

鹽燒雞中翼，外皮香脆可口。

2

唯一弱點係出餐太慢，可能係用心制作啦，趕時間就唔好嚟喇。